Pas rezultatit zgjedhor ku u rendit i treti për nga vota në Prishtinë, kandidati për kryetar të kësaj komune, Uran Ismaili, ka falënderuar qytetarët që të dielën dolën për të votuar.
Ismaili përmes një postimi në llogarinë e vet në “Facebook” ka shkruar se nga zgjedhjet e së dielës doli një frymë e re në Prishtinë.
Nga rreth 90 për qind e numërimit të votave, Ismaili ka marrë 21.69 për qind.
“Faleminderit të gjithë qytetarëve, pa dallim, që sot dolën dhe votuan për qytetin tonë. Faleminderit nga zemra të gjithëve që besojnë në mua, për atë që unë përfaqësoj, dhe që ma treguan besimin e tyre. Sot, një frymë e re doli në pah në Prishtinë. Një mënyrë e re e të bërit politikë – që qytetarin e ka në qendër. Fara është mbjellë. Faleminderit ekipit tim, kandidatëve tanë, vullnetarëve tanë, si dhe anëtarëve e mbështetësve për punën dhe angazhimin e tyre të palodhur. Prishtina na bashkon”, ka shkruar Ismaili.
Në balotazh për kryeqytetin shkojnë Arben Vitia dhe Përparim Rama.
Zhduket një vajzë e mitur në Prizren
I mituri ther me thikë të miturin në Fushë Kosovë
Komisioni për Punë të Jashtme takon sot Komisionin për Buxhe...
SHBA njeh liderin e opozitës si president të zgjedhur në Ven...
Ndahet nga jeta në moshën 35-vjeçare aktori Paul Teal
Shënohet Dita Ndërkombëtare për të Drejtat e Fëmijëve
Skip to content
